Галиәсгар Камал исемендәге татар дәүләт академия театрында премьералар белән беррәттән бер-бер артлы юбилей кичәләре уздырылып кына тора. Әле күптән түгел камаллылар зурлап Илдар Хәйруллинның 70 яшьлек юбилеен уздырган булсалар, чиратта Татарстанның халык артисты, Татарстанның Г.Тукай исемендәге Дәүләт премиясе лауреаты, Камал театрының әйдәп баручы артисты Радик Бариевның 50 яшьлек юбилеен уздырырга әзерләнәләр. Юбилярыбыз бүген студиябез кунагы. Радик әфәнде, исәннәрмесез! Ничек хәл-әхвәлләрегез?
Шунысын искәртеп әйтик, Радик әфәнде, сезнең паспорт буенча язылган туган көнегез 30 июньдә үк узып китте. Тик театр җәй айларында ялда булу сәбәпле, юбилей кичэсе ноябрьга күчерелде. Радик әфәнде юбилей кичәсенә әзерлек ничек бара?
Күрәм, сез буш кул белән килмәгәнсез. Яраткан тамашачыларыгызга чакыру кәгазе дә бар.
Кичәдә тәкъдим ителәчәк, Сөмбел Гаффарова әсәре буенча сәхнәләштерелгән “Килмешәк” спектакле 2017 елның ноябрендә тәкъдим ителгән булган. Монда нинди дә булса бәйләнеш бармы? Һәм гомумән ни сәбәпле туган көнегездә әлеге әсәрне уйнарга булдыгыз?
Радик әфәнде, студент елларында сез лидерлык сыйфатлары белән башка төркемдәшләрегездән аерылып торгансыз икән. Әйдәгез әле шушы урында бергә укыган төркемдәш-дусларыгызның, хәзер исә коллегаларыгызның фикерләрен тыңлап китик.
Әлеге сыйфат сезгә режиссер булырга да нык ярдәм иткәндер, шулаймы? Белүебезчә, Камал театры сәхнәсендә уйнала торган “Сөясеңме, сөймисеңме?”, “Кечтүкле уен”, “Ут күршеләр” спектакльләрендә сез режиссер. Төрле жанрларга мөрәҗәгать итәсез. Араларында моңсу комедия, комедия, театраль феерия дэ бар. Шулай да кайсы жанр сезгә якынрак?
Телевидениеның алтын фондында сез уйнаган бихисап спектакльләр саклана. Тапшыруга әзерләнгәндә без аларны карап чыктык һәм әңгәмә барышында да тамашачыларыбызга тәкъдим иттек. Аеруча Наилә апа Гәрәева белән уйнаган спектакльләр шулкадәр гармония белән башкарылган. Наилә апаның да сезнең турыда фикерләре бар.
Узган ел Татарстанда беренче татар телендә ситуацион комедия төшерелде. “Рәхәт яшибез” дип атала ул. Анда Радик Бариев кинорежиссер буларак танылды. Менә бу тәҗрибәдә үзегез өчен нәрсә ачтыгыз? Мондый проектның татар киноиндустриясендә киләчәге бармы?
Рәхәт яшибез дип сүзебезне башладык. Менә сез гомер баскычыгызның 50 нче катына мендегез. Бүген Радик Бариев рәхәт яшиме?
Без сезне сәхнәдә, яисә телевидениедан күреп ияләшкән. Сез бер генә дә үзгәрмисез. Хаман да 18 яшьлек егет кебек. Яшь калуның сере нидә?
Радик әфәнде, тапшыруыбызның иҗат төркеме исеменнән сезне чын күңелдән юбилеегыз белән котлыйбыз. Алга таба да менә шундый күңелле очрашулар насыйп булсын дигән теләктә сезнең белән саубуллашабыз.
