Татарстан даруханәләрендә коронавирустан өйдә дәвалану өчен даруларны ноябрь уртасында бирә башлыйлар. Дару җитештерүчеләр һәм тәэмин итүчеләр белән килешүләр төзелә.
Амбулатория шартларында пациентларны дару белән тәэмин итү тәртибе эшләнгән. Монополиягә каршы хезмәт антибиотик, вируска каршы һәм канны сыегайта торган препаратларга бәяләрне контрольдә тота. Искәртеп узабыз, Татарстанга коронавирустан дәваланучы пациентларны бушлай дару белән тәэмин итүгә 146 миллион 800 мең сум акча бирелә. Бу карарны Россия Премьер-министры Михаил Мишустин имзалады.
