Салават күпере торак микрорайонында чираттагы өй туйлары уза. «Торак һәм шәһәр мохите» илкүләм проекты буенча Татарстанның 255 гаиләсе яңа фатир ачкычларын алды. Социаль ипотека апрограммасы нигезендә яңа фатирга күченүчеләр арасында бюджет предприятиеләре хезмәткәрләре, яшь гаиләләр бар.
Хәйруллиннар гаиләсе ике бүлмәле яңа фатирга тулы составта керә. Икенче балалары тугач, тулай торакта аларга кысанга туры килгән. Яңа фатирны бергәләп ничек итеп планлаштыру, кая нинди җиһаз урнаштырасын ачыклыйлар.
Ландыш Хәйруллина тулай торакта узган тормышның артта калуына шатланган. Гомуми сан узелдан файдаланганнар, 18 квадрат метрлы бүлмәдә яшәгәннәр. Яңа фатирда барысы өчен дә уңай шартлар булачак.
Илгизәр Хәйруллин, Ландыш Хәйруллина
Виктория Батманова да торак шартларын яхшырткан. Кызы Ева белән бергә яңа фатирны гына түгел, ә йорт янындагы балалар мәйданчыгын да карадылар. Яшь гаиләләр өчен Салават күпере комплексында барлык шартлар да тудырылган: балалар бакчалары, мәктәпләр һәм уеннар өчен мәйданчыклар.
Барлык фатирлар да чиста, иркен, сантехника, электр плитәләре һәм янгын сигнализациясе датчиклары белән җиһазландырылган.
Фәнис Мөхәммәтов, Лилия Талипова. Таһир Хәсәнов, Татарстан яңалыклары.
