Буа районы Исәк авылында балалар мәйданчыгы төзелгән. Буа районының Казандагы якташлык җәмгыяте җитәкчесе Ирек Закиров инициативасы белән булдырылган бу объектны сафка бастыруда авыл халкы матди яктан да, төзелеш эшләрендә дә ярдәм күрсәткән. Балалар һәм өлкәннәрнең ял итү урынына әверелгән мәйданчыктан безнең репортаж.
Шәһәрнең зур мәйданчыкларындагы кебек таганда атыну Данирның күптәнге хыялы булган. Хәзер ул һәркөн биредә.
Данир Галимов: “Миңа мәйданчык ошый. Мәктәптән кайтуга ук монда киләбез. Аны ясаучыларга бик зур рәхмәт”
Балаларга ял итү урыны булдырылуга өлкәннәр дә шат. Алар үзләре дә монда еш киләләр.
Балалар мәйданчыгы оештыру идеясе белән Буа якташлык җәмгыяте җитәкчесе Ирек Закиров чыккан. Авыл халкы исә бу инициативага бик теләп кушылган.
Мәйданчыкта ял итү өчен барлык уңайлыклар да тудырылган. Хәтта ки кечкенә хуҗаларга футбол кырында ясалма газон да җәелгән.
Алсу Сәмигуллина, Сирин Хәсәнов. Татарстан яңалыклары.
