Казанның Коммунарлар урамында яшәүчеләр, коммуналь хезмәт күрсәтүчеләргә дәгьва белдерә. Менә берничә ай инде алар кайнар су булмаудан зарланып, кайнар линия телефонына шалтыратталар. Әмма коммуналь хезмәткәрләрдән тиешле җавап алмаганнар. Теманы хәбәрчебез өйрәнде.
Краннан кайнар су агуына тәмам өметен өзгән пенсионерның хәлен аңларга була. Күз яшьләренә тыгылып, ачынып сөйли. 79 яшьлек Валентина Николаева савыт — сабаны, керләрне салкын суда яки суны җылытып юарга мәҗбүр булган.
Мондый проблема күптәннән дәвам итә. Күршедәге фатирда да кайнар суны күптән күргәнебез юк диләр.
Коммунарлар урамындагы йортта су белән тәэмин итүдә кыенлыклар сентябрь аенда башланган. Берничә ай кешеләр кайнар су булмаудан интеккән.
Елена Васильева: «Без аптырагач, баш инженер янына кабул итүгә бардык. Ул фатирда ремонт ясаган яңхуҗалардан нәрсәне дә булса дөрес тоташтырмаганнар дип, шикләнде.»
Краннан кайнар һәм салкын су бергә кушылып ага. Идарәче компания вәкилләре, чыннан да, тикшерү белән чыкканнар. Тик йортта яшәүчеләр әле генә ни өчен кайнар суның булмавына җавап ишеткәннәр.
«Заречье» ИК баш инженеры Линар Мөхәммәдиев: «7 каттагы фатирда ремонт ясалган, шуннан салкын һәм кайнар су кушылып ага башлаган. Сәбәбен ачыклыйбыз.»
Ремонт вакытында кайнар һәм салкын су торбаларын ялгыш бергә тоташтырганнар. Кайнар һәм салкын су агымнарын аерганнар, проблема җайга салынган.
Вадим Струминский, Ренат Сәхибгәрәев.
