Татарстанда «Милли мультфест» республика балалар кинофестивале узачак. Анда катнашу өчен татар телендә анимацион мультфильмнар кабул ителә.
«Татаринформ» агентлыгында узган матбугат конференциясендә кинофестивальне оештыруның үзенчәлекләре белән таныштырдылар. Республикада анимацион фильмнар ясау тәҗрибәсе булса да, әлегә шундый чара беренче генә тапкыр үткәрелә. 40тан артык мәктәп, балалар иҗат үзәге һәм балалар бакчасында анимацион кыска метражлы фильмнар әзерләү белән шөгыльләнәләр. Кинофестивальнең сайлап алу этабы онлайн форматта 1 ноябрьдә башлана. Киләсе елның февралендә Буа, Актаныш, Зәй, Казан зоналарында 2 нче этап һәм финал апрельдә узар дип көтелә. Осталык дәресләрен уздыру да каралган. 7 яшьтән алып 17 яшькәчә балалар һәм яшүсмерләрнең хезмәтен “Союзмультфильм”, “Татмультфильм”, Казан Дәүләт мәдәният институты вәкилләре бәяләячәк.
Миләүшә Айтуганова “Татаркино” директоры
Рамил Төхвәтуллин «Милли мультфест» республика балалар кинофестиваленең жюри рәисе
