Түбән Кама шәһәренең Химиклар проспектындагы 50нче йортта яшәүчеләр “Ишегалды бәйрәмен” оештырдылар. Аларның әйтүенчә, ишегаллары совет заманындагы кебек, ягни күршеләр бер-берсен исемләп беләләр, дус , тату булып, ярдәмләшеп яшиләр. Шунсы да сөенечле, химиклар проспектандагы 50 нче йорт “Безнең ишегалды” программасына кергән, биредә ремонт эшләре әле дәвам итә.
Зур казанда – таҗикча пешерелгән пылау. Аны Химиклар проспектының 50нче йорт яшәүчесе Нурзуло Назиров пешергән. Кайнар, хуш исле ризык аша ир-ат күршеләренә булган хөрмәтен белдерә.
Йорт яшәүчеләренең төп горурлыгы –үзара яхшы мөнәсәбәттә булулары. Төрле милләт, төрле буын вәкилләре бер түбә астында тату гомер итәләр. Йорт буенча өлкән белдерүенчә, 2020нче елда Түбән Камада игълан ителгән “Күршелеклелек елы” — алар турында.
Ишегалды бәрәмендә һәркем рәхәтләнеп күңел ача. Әйтергә кирәк, аларның кәефе күтәренке булуның тагын бер сәбәбе – йорт ишегалдын төзекләндерүләре. Безнең ишегалды программасы кысаларныда биредә ремонт эшләре әле дәвам итәчәк.
