Буа театрының Казан гастрольләре Тинчурин театрында “Мирсәй Әмир әсәре буенча куелган “Тормыш җыры” спектакле белән ачылды. Спектакльнең төп геройлары Буа районының Адав-Толымбай авылында яшәүчеләр. 1946 елда Мирсәй Әмирнең нәкъ менә шушы авылда «Тормыш җыры» драмасын язуы билгеле. Премьера хакында тулырак мәгълүмат хәбәрчеләребез язмасында.
Буа сатира театрының һәрвакыт Казан тамашачысына үзенчәлекле бүләк әзерләвенә күнегеп киләбез. Кәбисә елы башланып китүгә «Фатыйма» спектакленең премьерасына әзерләнә башладылар. Максатлары — Бөек Ватан сугышы елларында бар авырлыкларны үз җилкәләрендә күтәргән хатын-кызларның фидакарь хезмәтенә дан җырлау. Өстәвенә, төп герой Фатыйма да калган персонажлар да Раил Садриевның авылдашлары.
Спектакль башлыныр иалдыннан ясаган чыгышында Раил Садриев Аның шушы театр сәхгнәсендә ярты гасыр элек куелганын искәртте .Ул вакыт Фатыйма ролен Фатыйма Ильская башкара.
Спектакль барышында тылдагы авырлык шулкадәр тормышчан гәүдәләндерелән ки үзеңне бер мизгелгә вакыйгалар өерендә дип хис итәсең. «Фатыйма» спектаклендә сынауларын җиңәрлек мәхәббәт тә, сугышның бөтен барлыгын чагылдырган фаҗигә дә бар. Туган илгә, туган җиргә, сөйгән ярыңа, туганнарыңа, якыннарыңа мәхәббәт шул вакытның җырлары аша да чагыла.
Әлеге спектакль бүгенгенең кадерен белү өчен үткәннәргә сәфәр, ди Раил Садриев. Буада беренче тапкыр күрсәткәннән соң, кабул ителмәгән спектаклне Казан тамашачысы, киресенчә, бик ошатты.
Киләчәктә Буа дәүләт драма театры Фатыйма спектаклен Тантана бәйгесенә дә тәкъдим итәргә җыена.
Мөршидә Җиһан, Ленар Хәбибуллин. Татарстан яңалыклары.
Буа театрының Казан гастрольләре дәвам итә. Бүген Татар дәүләт филармониясендә Зифа Кадыйрова әсәре буенча куелган “Бәхеткә юл кайдан” спектакле күрсәтеләчәк. Шулай ук, 14 октябрь дә Буа дәүләт драма театрының директоры һәм сәнгать җитәкчесе Раил Садриевның һәм әйдәп баручы артисты Гөлзада Камәртдинованың туган көне. Аларны чын күңелдән гомер бәйрәмнәре белән котлап иҗади уңышлар телибез.
