Шагыйрә-укытучы, Әнгам Атнабаев исемендәге әдәби премия лауреаты Галия Михей кызы Гайнетдиновага быел 60 яшь тулды. Шул уңайдан Татарстан язучылар берлегенең Тукай клубында, аның иҗат кичәсе булып узды.
Галия Гайнетдинова 30 елдан артык Казанның 5 нче гимназиясендә эшләүче иң тырыш, иң актив укытучыларның берсе. Дәрестән тыш тәрбия чараларын, язучылар, шагыйрьләр, журналистлар, рәссамнар, артистлар белән очрашулар оештыра. Шагыйрәнең иҗат кичәсендә шыгырьләр дә укылды, аның сүзләренә язылган җырлар да яңгырады. Галия Гайнетдинова чыгыш ясаучыларның һәрберсенә китапларын бүләк итте.
Галия Гайнетдинованың иҗат кичәсеннән тулырак репортажны иртәгә Яңалыклар чыгарылышы тәмамланганнан соң “Хәерле көн, Татарстан!” тапшыруында карый аласыз.
