Казанның “Ярдәм” мәчетендә «Йөрәк белән күр һәм ишет» проекты старт алды. Әлеге проект Президент грантлары Фонды тарафыннан хупланып 2018 елның иң яхшы 100 проекты исемлегенә кергән иде. 2020 елда проект социаль әһәмияте һәм актуальлеге белән грант ярдәме алды.
Быелгы грант “Ярдәм”гә бер дигән ярдәм булды. Нәкъ шул грант акчасына 15 сентябрьдә мәчеттә курслар башланды. «Йөрәк белән күр һәм ишет» проектын тәкъдим итүгә багышланган матбугат конференциясендә ТР Иҗтимагый палатасы рәисе Зилә Вәлиева конкрет проектларны гыны түгел, аларны тормышка ашыручы кешеләрне дә билгеләп үтте.
Зилә Вәлиева ТР Иҗтимагый палатасы рәисе
Проект начар күрүчеләр өчен социаль реабилитацияләүгә юнәлдерелгән. Аның кысаларында 6 төркем белем алачак. Курсларда катнашучылар Брайль системасы буенча укырга, компьютер грамотасына өйрәнә, психологик тернәкләндерү уза, мәдәни программа һәм экскурсияләр, спорт чаралары, тирә-юнь мөхиттә ориентлашу, юридик ярдәм дә ала.
Курслар азагында һәр укучы 5 китаптан торган Брайль шрифты белән бастырылган дәреслек комплекты ала. Әлеге курслар 14 октябрьдә тәмамлана.
Ләлә Зәйнуллина, Ирек Хәмидуллин. Татарстан яңалыклары.
