Бүген Халыкара өлкәннәр көне. Гадәттәгечә, бу көнне өлкән буынга котлау сүзләре, музыкаль чыгышлар һәм рәхмәт сүзләре белән тематик очрашулар үтә. Казанның мәдәният йортларныда концертлар, төрле мастер-класслар да узачак. 10 октябргә кадәр өлкәннәр пенсия таныклыгы буенча җәмәгать мунчаларына, милли музейга, милли китапханәгә бушлай йөри ала. Өлкән яшьтәге авыруларның өйләренә табиблар үзләре киләчәк. Шулай ук шәһәрнең барлык районнарында өлкәннәргә социаль-көнкүреш, психологик һәм башка ярдәм күрсәтү буенча хәйрия чаралары да каралган. Башкалабының районнарында булачак барлык социаль акцияләр турында мәгълүматны экранда күрсәтелгән телефон номерлары аша да белешергә мөмкин. Шулай ук тулырак программа безнең трт дефис тв нокта ру сайтында да бар. Гомүмән, бәйрәм көннәренә генә түгел, өлкәннәргә карата һәрвакыт игътибарлы, ихтирамлы, ярдәмчел булыйк.
