«Сәләт мәктәбе» киләсе елга укырга керергә җыенучы балалар өчен әзерлек курсларын ача. Шулай ук октябрь уртасыннан һәр теләгән студент „Сәләт“ яшьләр берләшмәсенең „Әйдаманнар мәктәбе“н уза ала, рәсми сайтта гариза тутырырга кирәк. Болар хакында “Татар информ” мәгьлүмат агентлыгында узган очрашуда сөйләделәр.
51нче мәктәп базасында аерым сыйныф форматында «Сәләт мәктәбе» эшли. Беренче сыйныфта 11 бала белем ала. Максатлары – дәүләт ярдәме белән тулы мәктәп оештыру. Киләсе елга укырга керергә җыенган балалар өчен әзерлек курслары ачыла. Укыту программасы киңкырлы.
Дәресләр, остаханәләр генә түгел, ул күпкырлы һәм тормышның барлык аспектларын үз эченә ала. Программага килгәндә, фәннәр дәүләт стандарты буенча укытыла. Төрле яклап өлгер балаларны үстерергә кирәк, дигән максат куйдык. Өстәмә дәресләр дә бар, вокал, бию, рәсем һ.б
Дәресләр татар һәм рус телләрендә уза. Инглиз теле фән буларак өйрәтелә. Укыту процессы „Сәләт“ нең барлык базаларында үтә. Ә балаларны курсларга теләкләре, телне белү дәрәҗәләре буенча җыялар.
«Сәләт-Раушан»га телне яхшы дәрәҗәдә белгән балалар алына. Төп үзенчәлек — балалар телне мохиттә өйрәнә. Сәлкешләр телне тирәнтен өйрәнү теләге белән кайтып китә. Аралашу 90 процент татар телендә. Бала кимендә 100 татар сүзен белеп китә
Россия төбәкләре һәм чит илләрдән килә алмаучылар өчен Биләр форумында махсус мәйданчык та оештырылган. Быел «Сәләт» форумында җиде мең бала офлайн һәм унике мең бала онлайн режимында катнаша алган. Балаларның нинди шартларда яшәгәнен әти-әниләре дә күзәтеп торган.
Бу, минемчә, зур күрсәткеч. Әлеге җәй яңа хисләргә бай булды. Июль башына кадәр төгәл берни дә белмәдек: даталар күчә барды. Шул ук вакытта без аланнар санын саклап кала алдык. Регионнарда уза торган аланнар гына үткәрелмәде. Әйдаманнар ахыргача үз эшләрен югары дәрәҗәдә башкарды
«Сәләт» — белемгә, фәнгә тартылган, акыл сәләтләрен төрле бәйгеләрдә, олимпиадаларда күрсәткән балаларны барлау, сайлау, үстерү мохите. Ул Татарстанның барлык районнары, Россиянең дистәләгән төбәге, якын һәм ерак чит илләрдә яшәүче, татар телендә аралашучы һәм татар телен өйрәнергә теләүче яшьләрне берләштерә.
