Мәскәү вәкилләрен дә узып, бөтен Россия буенча беренче урынны алды. 14 яшьлек Түбән Кама кызы Азалия Вилданова, «Медицина һәм социаль тәрбия» компетенциясендә иң яхшысы булды. Ә бит бу аның «WorldSkills» чемпионатында беренче тапкыр гына катнашуы. Яшь һөнәр остасы белән без дә якыннан аралаштык.
Сулыш алу аппараты белән ышанычлы эшли һәм үзенең пациентының сәламәтлеге торышын җентекләп күзәтә. Барысы да чын тормыштагы кебек булырга тиеш, хаталар гафу ителми. Югыйсә-штраф баллар куела. Азалия Татарстанны «Яшь һөнәр осталарының» илкүләм чемпионатында тәкъдим итте. Түбән Камадан тугызынчы сыйныф укучысы Россия буенча беренче урынны алды. Ул үз күнекмәләрен «Медицина һәм социаль тәрбия» компетенциясендә күрсәтте.
“WorldSkills » милли чемпионаты җиңүчесе Азалия Вилданова: « Беренче этап әле декабрьдә үк узды. Мине мәктәптә сайлап алдылар. Без Татарстан чемпионатына әзерләндек, анда мин 1 нче урынны алдым. Шуннан соң берничә сайлап алу турын уздым Россия беренчелегенә кадәр барып җиттем.
5 этап һәм финал артта калды. Азалиягә берничә модульне күрсәтергә кирәк була: стационар һәм өй зонасы, пациентны ярдәмче хәрәкәт чараларына өйрәтү һәм рәсем-постер ясау. Барлык этапларда да аны тренер-эксперт Светлана Сычева өйрәтә. Остаз кыз белән бер елга якын эшли.
Олеся Вилданова Азалиянең әнисе: «Йодрыкларyы йомарлап, кызыбызның җиңүен көттек. Бик ышандык. Аның база белемнәре нык иде. Россия ярышларында җиңүчеләргә slills паспорт бирелә. Без моңа бик шатландык.»
Эш бирүчеләргә бу паспорт- булачак хезмәткәрләренең осталыгын бәяләү өчен иң мөһим документ. Эшкә урнашканда өстенлекләр бирә. Бу юлы чемпионат финалы дистанцион форматта беренче тапкыр узды. Мондый карарны пандемия сәбәпле кабул иттеләр. Тик Азалиягә бу үзен күрсәтергә һәм алтын медаль алып кайтырга комачауламады. Кыз киләчәктә үз тормышын медицина белән бәйләргә планлаштыра.
Алия Газалиева, Фахри Исламов, Татарстан яңалыклары, Түбән Кама.
