Беренче чиратта балалар бакчалары һәм мәктәпләр җылытуга мохтаҗ. Аларның кайберләре җылытыла башлады инде.
Балалар бакчасы мөдире Миңнури Рәхмәтуллина: «Балалар бакчасында һава температурасы җылы әле, балалар шортик, нәзек оекбашларда йөри.»
18 сентябрьгә кадәр социаль әһәмияткә ия булган барлык объектлар: хастаханәләр, мәктәпләр, югары уку йортларына җылылык бирергә планлаштыралар.
«Татэнерго» АҖ филиалы — «Түбән Кама җылылык челтәрләре» диспетчерлык хезмәте бүлеге җитәкчесе Михаил Зайцев: «Хәзерге вакытта бездә насос җиһазларын тоташтыру, шулай ук гидравлик режим урнаштыру буенча зур эш алып барыла.»
Түбән Камадагы торак йортларда батареяларны 1 октябрьдән дә соңга калмыйча, яки 5 көн рәттән урамда температура +8 градустан югарырак күтәрелмәсә җылыта башлаячаклар.
Якындагы берничә атнада синоптиклар уртача тәүлеклек температураны 10-11 градус, ә урыны белән югарырак булыр дип фаразлый. Шулай булгач, шәһәр халкының торак йортларына җылылык сентябрь ахырында гына бирелә башларга мөмкин
Алмаз Кашаев, Рафаэль Рәкыйпов, Татарстан яңалыклары, Түбән Кама.
