Беренче нефть ятмаларын табучылар маршруты буйлап. Республика нефтьчеләре гадәти булмаган велосипедта узыш үткәрде. Аны Бөек Ватан сугышында Җиңүнең 75 еллыгына, Лениногорск нефть һәм газ чыгару идарәсе оешуга, ТАССРның 100 еллыгына, «Татнефть»профсоюз комитетының 35 еллыгына багышладылар
Велосипедтагы бу узыш – өлкән буын нефтьчеләргә хөрмәт, рәхмәт белдерү, яшь буынга игелекле традицияләрне саклап калу һәм тапшыру мөмкинлеге, дип саный идарәнең профсоюз комитеты җитәкчесе Гомәр Яруллин. Узышка стартның Шөгер бистәсе янындагы 1 нче скважинадан бирелүе символик мәгьнәгә ия. Нәкъ менә шунда Бөек Ватан сугышы вакытында — 43нче елда «кара алтын» запаслары барлыгы ачыклана. Узышчылар Ромашкино авылы янындагы 3 нче скважинага кадәр барып җитте, анда аларга массакүләм узышта катнашучылар кушылды.
Әләмнәр тантаналы рәвештә яшь эшчеләргә, һөнәр осталыгы конкурсларында катнашучыларга, нефть чыгару операторларына тапшырылды. Узышта катнашучылар 3 нче скважинадан алып, грунт юллары, калкулыклар һәм уйсулыклар буйлап 15 чакрым ара үтеп, Лениногорскийга кадәр килде. Һәвәскәр спортчыларга дистанцияне узу кыенга туры килсә дә, барлык катнашучылар да финишка уңышлы килеп җитте.
