Яңа Савин районындагы манеж матурлыгы белән урамнан ук таң калдыра. Диварларда регби һәм футбол уенчыларының фотосурәтләре, комплекс спортның шушы төрләренә билгеләнгән.
«Искәндәр» дип аталган манеж кыры зур, 19 КамАЗ машинасын яки мең ярым футбол тупын сыйдырып булыр иде. Газон Европа стандартларына туры килә, күнегүләрне ел әйләнәсенә уздырырга мөмкин.
Беренче булып газонны балалар спорт клубларында тәрбияләнүчеләр сынап карады, “Рубин” командасы баш тренеры Леонид Слуцкий да югары бәяләде.
Татарстанда берьюлы өсте ябулы ике футбол манежы ачылды. Республика Президенты Рөстәм Миңнеханов икесенең дә мөһимлеген билгеләп үтте, алар Татарстанга дөнья футболында үз урынын алырга шартлар тудыра.
Татарстан Республикасы Президенты Рөстәм Миңнеханов
Объектлар кыска вакытта төзелде. Спортчыларны Россиянең спорт министры котлады.
Республика районнарында да өч спорт комплексы ачылды. Бу Татарстанның илнең спорт төбәге буларак статусын тагын бер кат раслый.
Алмаз Хәкимов, Ленар Хәбибуллин, Татарстан яңалыклары.
