Республиканың Милли музеенда «Татарстан тарихы борынгы заманнардан алып безнең көннәргә кадәр» дип исемләнгән күргәзмә ачылды. Ул ТАССРның 100 еллыгына багышланган. Экспозициянең мәйданы-дүрт мең квадрат метр чамасы. Монда — республиканың иң мөһим этаплары-хронологик тәртиптә-республиканың төзелү тарихы, Бөек Ватан сугышында Җиңүгә керткән өлеше, хәзерге казанышлары чагылыш тапкан. Исегезгә төшерәбез, шундый күргәзмә биредә элек тә оештырылган иде. Бу юлы ул экспонатларның бай булуы белән аерылып тора. Анда 18 гасырның басу машинасы, иң беренче автомобиль һәм самолет куелган. Биредә беренче тапкыр Чистай сәгать заводы, «Аромат», «Тасма» фабрикалары кебек зур предприятиеләр турында да матераиллар тәкьдим ителгән.
