Татарстандагы бөлгенлеккә чыккан банклар клиентлары республика ярдәм фондыннан, өчәр йөз мең сум акча алачак. Бу турыда Республика президенты Рөстәм Миңнеханов рәислегегндә узган киңшәмәдә әйтел, де яңа ярдәм чаралары турында хәбәр иттеләр. Ә эре салым түләүче предприятиеләр белән узган киңәшмәдә икътисад торышы турында фикер алыштылар. Теманың дәвамы- хәбәрчебез язмасында.
1 сентябрьдән Татарстандагы бөлгенлеккә чыккан банклар клиентлары республика ярдәм фондыннан өчәр йөз мең сум акча алачак. Бу хакта Президент Рөстәм Миңнеханов Хөкүмәт Йортында узган киңәшмәдә хәбәр итте. Шулай ук дүрт Бөек Ватан сугышы ветеранына, ике тыл хезмәтчәненә 500 мең сум күләмендә финанс югалтулары тулысынча капланачак. Бүгенге көндә алты меңнән артык гариза бирүче ике миллиард сумга якын акча алган.
Татарстан Республикасы Президенты Рөстәм Миңнеханов: «Калган категорияләргә, кризиска карамастан, без өч йөз мең сум түләүне билгелибез, түләүне беренче сентябрьдән башлыйбыз.»
Икътисадтагы вәзгыять гади түгел, дип билгеләп үтте Президент зур салымнар предприятиеләр вәкилләре белән киңәшмәдә. Пандемия сәбәпле, керемнәр күләме 20 процентка кимегән. Рөстәм Миңнеханов республика икътисадын торгызу өчен барлык чараларны кулланырга өндәде.
Татарстан Республикасы Президенты Рөстәм Миңнеханов «Авыр хәлдән чыгу юлларын эзләргә, коронавируска яки башка сәбәпләргә сылтап зарланырга кирәкми. Теләсә нинди хәлдән чыгу җае бар. Тармак министрлыклары да игътибарлырак эшләргә тиеш, хөкүмәт тә, мине дә бу эшкә җәлеп итегез.»
Проблемалар булуга карамастан, республика икътисадында үсеш тармаклары да бар – мәсәлән, нефть эшкәртү өлкәсе – 14 процентка, ә азык-төлек сәнәгате-18 процентка арткан. Киләчәккә өметләр зур. Татарстан Президенты барысын да якынлашып килүче Республика көне һәм ТАССРның 100 еллыгы белән котлады.
Булат Шакиев, Татарстан яңалыклары.
