Бу минутларда Актаныш районында зур бәйрәм бара. Татарстанның беренче Президенты, республика Дәүләт киңәшчесе Минтимер Шәймиевнең туган авылы – Әнәктә бюсты ачыла. Бүген шулай ук күренекле сәясәтче эшчәнлегенә багышланган “Бабайда кунакта» паркы да кунакларны кабул итте. Парктагы күлдә фонтан эшләп тора. Ул Минтимер Шәймиевнең ТАССР мелиорация министры булып эшләгән елларын искә төшерүче үзенчәлекле символ. Авылда аның әтисе – Шәриф Шәймиевнең музей-йорты да бар. Ишегалдында ачык сары төстәге кое, сарай, бизәкләп эшләнгән зәңгәр төстәге койма, чәчәк клумбалары. Актаныш районыннан әзерләнгән тулырак репортажны кичке чыгарылышларда карый аласыз.
