Җәяүлеләр юлы, ясалма сулык, ботаник бакча. Түбән Камада якын киләчәктә ике экопарк барлыкка киләчәк. Берсе – Красный Ключ бистәсендә урнашачак, икенчесе – Кама Аланында. Соңгысында төзелеш эшләре инде тәмамланып килә.
Төрле төстәге брусчасткадан салынган җәяүлеләр юлы, утыргычлар, заманча яктырткычлар. Кама Аланында төзелә торган экопаркка республика бюджетыннан 10 миллион сум акча бүлеп бирелә. Балалар өчен уен комплексы инде торгызылган. Шушы көннәрдә биредә спорт мәйданчыклары да урнаштырачаклар. Әйләнә-тирәне яшелләндерүгә дә зур игътибар бирелә.
Әлеге экопаркның үз бакчасы да булачак. Анда Татарстан климатына яраклаштырылган агач-үсентеләр утыртылачак. Биредә мәктәп укучылары, студентлар өчен ачык һавада практик дәресләр үткәрү дә планга кертелгән.
Әлеге ботаник бакча – Красный Ключ экопаркының йөзек кашы булачак, ди архитекторлар. Зур техника Кама яр буенда да эшли. Яңа ял мәйданчыгын төзелеп бетүен түбәнкамалылар һәм шәһәребез кунаклары зарыгып көтә.
Зур проект республика һәм федераль бюджет хисабына тормышка ашырыла. Быел 45 миллон сумга эшләр башкарылачак, икенче елга шул ук сумма каралган. Красный Ключ бистәсендә экопартк 3-4 елдан барлыкка киләчәк.
