Бүген Россиянең әйдәп баручы музыкантларының берсе, музыкаль җәмәгать эшлеклесе, Нәҗип Җиһанов исемендәге Казан Дәүләт консерваториясе ректоры, профессор, пианист, органчы Рубин Абдуллинга 70 яшь тулды. Безнең иҗат төркеме талантлы музыкантны юбилее белән котлый, иҗади уңышлары тели.
Россиянең халык артисты, Казан Дәүләт консерваториясе ректоры, профессор, концертларда актив катнашучы музыкант – барысы да Рубин Абдуллин турында. Бүген аңа 70 яшь. Мондый очракларда патриарх дәрәҗәсенә лаеклы сан дип әйтәләр. Рубин Кәбир улы башкарган һәм хәзер эшли торган масштаблы эшләр сокланырлык.
Казан консерваториясенең фортепиано буенча профессор Эммануил Монасзон классын, аннан соң орган классы буенча Ленинград консерваториясен тәмамлагач, туган консерваториясенә укытучы итеп чакырыла.
1988 нче елның 21 декабрендә Казан Дәүләт консерваториясенең гыйльми Советы утырышында ректор итеп сайлана. Рубин Абдуллин ректорлык иткән 30 дан артык елда, консерватория 5 уку бинасы. 2 тулай торак белән тәэмин ителә.
Ул – уңышлы башкаручы, күп илләрдә – Бөекбританиядә,Германиядә, Польшада, Нидерланд корольлегендә, башка төбәкләрдә чыгышлар ясый. Профессионаллар һәм музыка сөючеләр арасында популяр булган күп санлы орган концертлары циклы авторы, иҗатының шушы эшчәнлеген дә туктатмады.
Консерватория профессоры никадәр лауреат, башкаручыны тәрбияләде. Аның шәкертләре Россиядә, Европада эшлиләр.
Рубин Абдуллин консерваториянең беренче ректоры һәм профессоры Нәҗип Җиһановның эшен лаеклы дәвам итте, консерваториядә элекке еллардагы кебек, иҗади рух хөкем сөрә. 1997 нче елда консерваториянең “Окно в Россию – Россиягә тәрәзә” Бөтенроссаия конкурсында җиңүе һәм Россия Федерациясенең яхшы югары уку йорты дип игълан ителүе очраклы түгел.
Шуларга музыкаль-җәмәгать эшчәнлеген дә өстәргә кирәк:музыка эшлеклеләренең Халыкара Берлеге әгъзасы, Россия органчылар берлеге рәисе, боларның барысын да тормышка ашыру өчен бер генә гомер аз кебек. Әмма Рубин Кәбир улы Абдуллин барысы да булдыра. Иҗат уңышлары Сезгә, Рубин Кәбирович!
Гадел Әхмәтҗанов, Кадрия Мерсиапова.
