Яңа уку елы башланырга санаулы көннәр калып бара. Федераль һәм республика программалары буенча яңа мәктәпләр, балалар бакчалары төзелә, кайберләре капиталь ремонттан соң ачылырга тиеш.
Усад авылында балалар бакчасы тизләтелгән темпта әзерләнә – төзүчеләрнең вакыты күп калмады. Бинаны шушы көннәрдә файдалануга тапшырыла, беренче сентябрьдән бирегә 260 бала йөрергә тиеш. Усад авылында, балалар бакчасыннан тыш, «Мәгариф» илкүләм проекты буенча мәктәп тә салына. Төзелешнең беренче этабы тәмамланып килә, инженерлык челтәрләре урнаштырыла.
Ә Олы Кабан авылында мәктәп беренче сентябрьгә тулысынча әзер. Белем бирү учреждениеләрен капиталь ремонтлау программасы нигезендә барлык коммуникацияләрне, нигезне яңартканнар,эчке якны төзекләндергәннәр.
Олы Кабан урта гомуми белем бирү мәктәбе директоры Павел Кореев «Биредә укытучылар да, ата-аналар да зур эш башкарды. Чүп не, иске тәрәзә блокларын чыгарырга булыштылар, төзүчеләрнең эшен җиңеләйттеләр.»
Күп проектлар, дәүләт программалары, быел гына да 50 программа гамәлгә ашырыла. Сыйфатка игьтибар ителә. Белем алу, спорт белән шөгыльләнү өчен барлык мөмкинлекләр дә булдырыла.
Лаеш районында мәктәпләрдән һәм балалар бакчаларыннан тыш, ясалма бозлы шугалак һәм «Экстрим Парк» ы да төзелә. Ул уңайлы шәһәр мохитен формалаштыру Федераль проекты буенча эшләнә.
Булат Шакиров, Ринат Сәхибгәрәев, Татарстан яңалыклары.
