Бүгеннән Татарстанда театр, кинотеатр, цирк, концерт заллары һәм аквапарклар эшли башлый. Алар яртылаш кына тулы булырга тиеш. Моннан тыш, хәзер ачык мәйданчыкларда да, биналарда да чаралар уздырырга мөмкин. Беренче очракта йөз кеше катнаша алса, икенчесендә 50 проценттан да артык кеше булырга тиеш түгел. Шулай ук 25 процент кына тамашачы җыеп, спорт чаралары да үткәрергә рөхсәт ителә, ә биналарда үткәрелгән банкетларда илле кешедән артырга тиеш түгел. Шулай ук бүгеннән перчаткаларны мәҗбүри кию гамәлдән чыгарыла. Дөрес, перчаткаларны мәҗбүри кию дизенфекцияләүче чаралар булган җирдә генә бетерелә.
Татарстан Республикасы Президенты Рөстәм Миңнеханов: «Перчаткаларны мәҗбүри кию гамәлдән чыгарыла. Мөрәҗәгатьләр бик күп. Без аңлыйбыз, бар җирдә дә эшкәртү чаралары бар, бу булырга тиеш. Алар булган җирдә без перчаткаларны мәҗбүри киюне бетерәбез.»
