Татарстанда яшәүче халыкларның традицион уеннарына багышланган республикада беренче «УЕН ФЕСТ» фестивале старт алды. «Uen Fest» — онытылган йолаларны һәм гореф-гадәтләрне торгызу максатыннан оештырылган проект. Фестиваль кысаларында бу атнада мәдәният йорты хезмәткәрләре, театр актерлары Казандагы ишегалларына юл тотты.
Бу проектта балалар танылган артистлар белән бергәләп халык авыз иҗаты белән таныша, милли халык уеннарын уйнарга өйрәнә.
Габдулла Кариев театры артистлары катнашында бәйрәм Вишневский урамындагы 49нчы йорт ишегалдында узды.
Август ае дәвамында эстафетаны Татарстанның әйдәп баручы театр актерлары кабул итеп ала. Алар төрле халыкларның гореф-гадәтләрен искә алган программа әзерли. Чаралар кичке сәгать алтыда башлана.
Ләлә Зәйнуллина, Ирек Хамидуллин. Татарстан яңалыклары.
