13 сентябрьдәТатарстан Президентын сайлау, 28 нче Түбән Кама бер мандатлы сайлау округы буенча Россия Дәүләт Думасы депутатын өстәмә сайлау һәм 37 нче Алабуга бер мандатлы сайлау округы буенча Татарстан Дәүләт Советы депутатын өстәмә сайлау уза.» «Мәскәү» мәдәни үзәгендә өч сайлау кампаниясе буенча теркәлгән кандидатлар арасында телерадиоканалларда, басма матбугатта бушлай чыгыш ясау буенча жирәбә салынды.
Депутатлыкка кандидатларга сайлау алды платформаларын җиткерү мөмкинлекләре төрле – роликлар әзерләү, туры эфирда чыгыш ясау, дебатларда катнашу мөмкинлеге бар. «Татарстан» Дәүләт телерадио компаниясенә Татарстан Республикасы Президентына кандидатларга чыгыш ясау өчен 18 нче августтан алып, 11 сентябрьгә кадәр эш көннәрендә бушлай вакыт бирелде: Россия телеканалында — иртәнге сәгать тугызынчы яртыда, Россия -24 телеканалында – сәгать унда, ә Россия радиосында кичке сәгать 8 тулып ун минуттан соң.
