Татарстанда инвалидларга түләүләр актив режимда билгеләнә башлый. Бу хакта Россия Пенсия фондының төбәк бүлеге матбугат хезмәте хәбәр итә.
Айлык акчалата түләүне рәсмиләштерү өчен бу категория гражданнар гариза бирергә тиеш түгел. Хәзер рәсмиләштерү белән Россия Пенсия фондының территориаль органнары шөгыльләнә. Айлык акчалата түләү кеше инвалид яки инвалид бала дип танылган вакыттан билгеләнә. Ул реестрга инвалидлык турында мәгълүматлар килеп ирешкәннән соң, 10 көн эчендә билгеләнә.Әлеге кешегә бердәм дәүләт хезмәтләре порталында, электрон почта яки СМС аша айлык акчалата түләү билгеләнү турында хәбәр итәчәкләр.
Хәзерге вакытта инвалидлык билгеләү процедурасы читтән торып башкарыла. Моңа медицина оешмалары биргән документлар нигез булып тора. Әлеге тәртипне кертү коронавирус инфекциясе пандемиясе аркасында кертелгән чикләүләргә бәйле.
