Казанда Президент грантлары Фонды, шәһәр хакимияте һәм Хәйриячеләр катнашында берничә уникаль проект гамәлгә ашырыла. Әйтик, ел ахырына беренче кондуктив балалар бакчасы ачылачак. Әлегә бинада ремонт бара. «Все сам» дип аталган бакча мөмкинлекләре чикле балаларга тернәкләнү мөмкинлеген бирәчәк. «Все сам» проектының инициаторы — Илья Школьников. Ул ни өчен әлеге игелекле эшкә алынган? Киләсе репортажда.
«Все сам» — ремонттан соң биредә ачылачак балалар бакчасы әнә шулай атала. Әлеге уникаль проектның инициаторы Илья Школьников. Проектны гамәлгә ашыруда – ул иң төп көч.
Ильяның максаты — ел ахырына Татарстанда үзенчәлекле балалар өчен беренче кондуктив балалар бакчасын ачу. Үзенең дүрт яшьлек улы Костяга да кирәк ул. Яңа балалар бакчасында мөмкинлекләре чикләнгән балаларны тернәкләндерү өчен барлык шартлар да тудырылачак. Хастаханә стеналарында түгел, ә гадәти балалар бакчасында.
“Все сам” балалар бакчасын ачу инициаторы Илья Школьников: » Кешеләр балаларын тернәкләндерү өчен акча җыялар, кредит алалар. Балалары үзәкләрдә ике-өч атналык тернәкләнү курсын уза. Шуннан соң өйгә кайтып китәләр. Ә бу бакчада балалар даими тернәкләнә. Биредә ул гадәти бала булып кала, анда аның дуслары, уенчыклары бар, шундай уйный, аралаша, җырлый. Шул ук вакытта бу балага уңайлы мохит та.
Мондый дәвалануның нәтиҗәсе уннарча тапкыр яхшырак. Моны Илья үз баласы мисалында аңлый. Шуңа күрә һәр көнне берничә сәгатькә — ул киң профильле төзүче-төзүчегә әйләнә, авыр эшне үз өстенә ала.
“Все сам” балалар бакчасын ачу инициаторы Илья Школьников: « Стенада штукатурлауга тотынам, ә аңарчы искеләрен куптардым. Моңа кадәр вакытлыча яктырту җиһазларын урнаштырдым. Алда әле бик күп эшләр тора. Авырлыклар безне туктатмый.
Татарстандагы беренче кондуктив балалар бакчасы бинасын Казан мэриясе Гарифҗанов урамыннан биргән. Ирекле ярдәмчеләр инициативага кушылган, коронавирус чорында да эшне туктамыйлар. Алда- баскычларны ремонтлау,тәрәзәләрне һәм ишекләрне алыштыру, идәнгә яңа стяжка, вентиляция һәм кондиционер системаларын монтажлау. Иганәчеләр булыша, сөйләшүләр алып барыла.
@sadik¬_vsesam
Балалар бакчасын ремонтлау турында мәгълүматны «Инвалидларның көндезге тору үзәге» һәм «Все сам»балалар бакчасында белергә мөмкин.
“Все сам” балалар бакчасын ачу инициаторы Илья Школьников: «Без чат аша аралашабыз. Булышырга килергә теләүчеләрне чакырам. Барысы да ачык, күчерелгән акчаның нәрсәләргә тотылуы, керемнәр-чыгымнар турында хисапларны вакытында ясап барам.»
Шунда ук акча күчерү өчен исәп-хисап счеты номерын да белергә була. Биредә өч тернәкләндерү төркеме булыр дип планлаштырыла. Һәрберсендә 6-8 бала. Аларның күбесе соңыннан-сәламәт яшьтәшләре белән бергә мәктәпкә барачак. Күп еллык тәҗрибә кодуктив балалар бакчаларының уңышлы булуын раслады.
Инна Данилова, Сергей Павлухин, Татарстан яңалыклары.
