Татарстанда, ике ел эчендә балалар бакчаларының ясле төркемнәренә чиратларны бетерү планлаштырыла. Республикада 49 яңа объект төзеләчәк һәм балалар бакчаларында төркемнәр яңадан профильләштереләчәк.
Эшләр, «Демография» илкүләм проекты кысаларында алып барылачак. Бу хакта республика мәгариф һәм фән министрлыгының матбугат хезмәте хәбәр итә. Чараны гамәлгә ашыруга 2 ел эчендә 5 миллиард 500 миллион сум акча тотылачак, аларның федераль өлеше — 1 млрд сум, ә калганы — республика бюджетынанан алыначак. Шулай итеп, дәүләт һәм муниципаль балалар бакчаларына йөрүче өч яшькә кадәрге балалар саны артып, 26 меңнән артып китәчәк.
