Чыгарылыш сыйныф укучыларының быелгы бердәм Дәүләт имтиханнары йомгаклары нинди? Татарстан радиосының чираттагы туры эфир тапшыруы шушы һәм мәктәп-гимназияләрнең, балалар бакчаларының яңа уку елына әзерлеге мәсьәләләренә багышланды. Республика мәгариф һәм фән фән министры урынбасары Илсур Һадиуллин агымдагы хәлгә бәя бирде, уку елының үзенчәлекләренә тукталды, радиотыңлаучыларны кызыксындырган, борчыган күп кенә саорауларга җаваплар бирде. Коронавирус пандемиясе шартларында да укуның сыйфатына зыян килмәгән. Кайбер фәннәрдән имтихан билгеләре былтыргыга караганда югарырак, Россия төбәкләре белән чагыштырганда да күрсәткечләр яхшырак.
