Чыгарылышыбызны рәсми яңалыклардан башлыйбыз. Татарстанга Россия Федерациясе Президентының Идел буе федераль округындагы Тулы вәкаләтле вәкиле Игорь Комаров килде. Хөкүмәт Йортында ул республика президенты Рөстәм Миңнеханов белән очрашты.
Татарстан Дәүләт Советы рәисе Фәрит Мөхәммәтшин яшь идарәчеләрне хакимият органнары эшенә активрак кушылырга чакырды.
Татарстанга Россия Федерациясе Президентының Идел буе федераль округындагы Тулы вәкаләтле вәкиле Игорь Комаров килде. Хөкүмәт Йортында Игорь Комаров республика президенты Рөстәм Миңнеханов белән очрашты.
Рөстәм Миңнеханов һәм Игорь Комаров Росреестр башлыгы Олег Скуфинский белән берлектә күчемсез милек өлкәсен цифрлаштыру турында фикер алыштылар. Аннан соң Кабан күле яр буен карадылар. Биредә җәяү йөрү зоналары һәм балалар комплексы төзелгән, планда — спортның ишкәк ишү төрләре мәктәбен булдыру, төзекләндерү, яшелләндерү. «Эйдос-медицина» үзәгендә кунаклар медицина стимуляторлары җитештерүне карады. Яңалыклардан -коронавирусны ачыклау системасы . Ул 20 минут эчендә нәтиҗә бирә.
РФ Президентының Идел буе федераль округындагы Тулы вәкаләтле вәкиле Игорь Комаров: «Татарстанда башка төбәкләргә караганда ешрак булам. Моның сәбәбе — уңай үзгәрешләрнең, яңалыкларның күп булуында. Кыска гына вакыт узса да, уңай үзгәрешләр күрәсең. Бу юлы да гаҗәпкә калдым. Мин бу тәҗрибәне Идел буе федераль округының башка төбәкләрендә дә, бөтен Россия буенча да. таратырга һәм кулланырга кирәк дип уйлыйм.»
Бу сүзләр шул исәптән Зур Казан боҗрасы төзелешенә дә кагылды. Март аенда аның икенче этабы старт алды.
Татарстан Республикасы Президенты Рөстәм Миңнеханов:» 2030 нчы елга без боҗрадан трамвайлар хәрәкәтен башлап җибәрәчәкбез. Якындагы ике елда без биредә автомобиль транспорты хәрәкәтен дә ачып җибәрербез дип өметләнәбез. Бу безнең шәһәр үзәген бик нык бушатачак. Икенче этап — автомобиль этабы булачак. Без монда да федераль хөкүмәтнең саллы ярдәменә өметләнәбез.»
«Безнең ишегалды» программасы турында Игорь Комаровка Бигичев урамында сөйләделәр. Хәзер биредә спорт һәм ял өчен сквер бар. Горки-Әмәт урманында балалар экология үзәген һәм гаилә ял итү зонасын күрсәттеләр.
Президентның Идел буе федераль округындагы Тулы вәкаләтле вәкиле Татарстанның сайлауларга әзерлегенә дә аңлатма бирде.
РФ Президентының Идел буе федераль округындагы Тулы вәкаләтле вәкиле Игорь Комаров:»Сайлауларга әзерлек һәрвакыттагыча тиешле дәрәҗәдә оештырылыр дигән тулы нигез бар. Татарстан гражданнары үз теләкләрен ирекле рәвештә белдерә алсын өчен.»
Барлык сайлау алды чаралары да тиешле дәрәҗәдә үткәрелә. Татарстарндагы барлык үрнәк башлангычлар кебек.
***
Парламент җитәкчесе Казан ФедеральУниверситетының дәүләт һәм муниципаль идарә югары мәктәбендә Татарстан Президентының кадрлар резервында катнашучылар белән очрашты. Биредә ул республиканың үсеш тенденцияләре турында лекция үткәрде. Сүз республика үсешенең 2030нчы елга кадәр кабул ителгән стратегиясе турында барды. Эзлекле эш нәтиҗәсендә Татарстан элеккечә үк төбәкләр үсешен бәяләүнең төп критерийлары буенча Россиядә лидер булып кала. Идарәче кадрларны әзерләү бездә яхшы дәрәҗәдә оештырылган. Хәзерге җиденче җыелмада белемнәрен арттыручы барлык 22 кеше абруйлы остазларга беркетелгән. Президент карары белән быел резервка Татарстаннан идарәчеләрнең “Россия лидерлары” Бөтенроссия конкурсы финалында катнашкан 7 кеше дә кертелде.
