Татарстанның Лобач тавы, Юрьев мәгарәләре, Зәңгәр күлләр системасы, Идел-Кама тыюлыгы, «Түбән Кама» милли паркы һәм Шомбыт заказнигы кебек уникаль табигать һәйкәлләре Россиядә экологик туризм өчен иң яхшы урыннар исеменә дәгъва кыла.
Тавыш бирү туристлык-рекреация кластерларын булдыру һәм Россия Федерациясендә экологик туризмны үстерү буенча I Бөтенроссия бәйгесе сайтында оештырылган. Конкурс илдә «Экология» илкүләм проекты һәм Россиядә 2035 елга кадәрге чорга исәпләнгән туризмны үстерү стратегиясе буенча үткәрелә. Бәйгедә җиңгән очракта Татарстан халыкның иң яраткан ял итү урыннары базасында оештырылган биш туризм кластерына ия булачак. Экологик туризм өчен иң яхшы урыннарга тавыш бирү инде тулы куәтенә бара. Тавыш бирү 23 июльгә кадәр дәвам итәчәк.
