Республика мәктәпләрен яңа уку елына әзерлиләр. Алабугада уникаль мәгариф проекты тормышка ашырыла. 5-нче номерлы мәктәптә ремонт бара. Учреждение тышкы яктан да, эчтән дә нык үзгәрәчәк. Тулырак мәгълүмат киләсе сюжетта.
Шушы мәктәп укучыларының әлегә озын тәнәфестә ял итәргә вакытлары юк. Туган мәктәпләрен төзекләндерүдә үзләре дә катнаша. 11 сыйныфка баручы Андрей Борихин эшчеләргә ярдәм итә.
Андрей Борихин: » Миңа моңа кадәр дә биредә яхшы иде. Тиздән мәктәп күпкә яхшырак матуррак булачак.
Тышкы яктан үзгәрешләр күренеп тора. Ә төп үзгәрешләр эчтә булачак –укыту системасы үзгәрәчәк. Учреждение Казан федераль университеты мәктәбе статусын ала. Укучылар университет ай-ти лицее укытучылары белән турыдан-туры аралашачак.
Төп мәгариф программаларында, шулай ук факультатив дәресләрдә яңа мөмкинлекләрдән файдаланачаклар.
КФУ мәктәбе директоры Камил Гәрәев: «Университет укытучылары аерым дәресләрне үткәрәчәк. Технрология сыйныфларына кураторлык итәчәкләр. Токарь, балта остасы һөнәрләренә өйрәтү сыйныйлары берләшә. Университетның профильле институтлары кураторлык итәчәк. Уку-укыту планына тест үткәрәбез, лабораториядә биолог булырга теләүчеләр өчен база булачак.»
Барлык укучылар да дистанцион аралаша алачак. Һәр сыйныфка заманча җиһазлар урнаштырыла.
КФУның Алабуга институты директоры Елена Мерзон: «Университет үз өстенә матди-техник базаны ныгытуны, педагогларның һөнәри осталыгын арттыруны алды. Университет проектларында катнашу, лицейлар белән тыгыз элемтәдә тору мөмкинлеге була — болар барысы да мәктәпкә көчле импульс бирә, укытучылар, укучылар, аларның әти-әниләрнең потенциалын ачарга ярдәм итәчәк.»
Россиядә беренче тапкыр университет унберенче сыйныф укучыларын үз канаты астына ала.
КФУ мәктәбе директоры Камил Гәрәев: «мәктәп якын-тирә район балаларына белем бирү өчен билгеләнгән. Калган ике лицей балаларны бары тик сайлап кына алса, монда укырга керү өчен янәшәдә генә яшәү дә җитә. Башка районнардан укырга керергә теләүчеләр өчен керү имтиханнары булачак.»
Укытучылар һәм студентлар укытачак. Һәр укытучыга ассистент беркетелә. Остазлык, гомумпрактика һәм укыту-берничә максат бер мәктәптә берләштерәчәк.
Регина Сафиуллина, Людмила Губянова, Әлфинә Хуҗина, Михаил Филатов, Татарстан яңалыклары, Алабуга шәһәре.
