Безнең телерадиокомпания Русфонд хәйрия җәмгыяте белән берлектә, авыру балаларга ярдәм акциясен дәвам итә. Бүген Яшел Үзәннән Настя Иванова тарихы. Сабый церебраль паралич авыруыннан интегә, тернәкләнү курсын уза. Кызның мускуллары дөрес формалашсын өчен, махсус коляска сатып алырга кирәк.
Настя вакытыннан алда — 880 грамм авырлыкта туган. Өч ай буена үпкәсен ясалма җилләтәләр, күзләренә операция ясыйлар. Алты айлык чакта церебраль паралич диагнозын куйганнар.
Настяның әнисе Елена Иванова: «Башта җир упкынга төшеп киткәндәй тоелды. бик борчылдык. Үзебезне кулга алдык, баланы тәрбияләү,дәвалау белән ныклап шөгыльләнергә кирәклеген аңладык.»
Хәзер Настя өйдә көчәйтелгән тернәкләнү курсын уза. Махсус җиһазларда күнегүләр ясый. Авыруы җиңел булмаса да, хәле яхшыра бара. Баланының мускулларын тиешенчә формалаштыру өчен, инвалид коляскасы кирәк.
«Васильево район хастаханәсе» филиалының участок педиатры Ольга Кузнецова: » Баланың тернәкләнү мөмкинлеге зур.Хәлен яхшырту өчен, әти-әнисе кулдан килгәннең барысын да эшлиләр, күп көч куялар.»
Коляска өч йөз мең сумга якын тора, ә гаиләдә бу кадәр акча юк. Без аларга бергәләп ярдәм итә алабыз. Моның өчен 5542 номерына ДЕТИ сүзен язып, СМС хәбәр җибәрү дә җитә. Бер хәбәрнең бәясе 75 сум. Күбрәк өлеш кертергә теләүчеләр өчен тулырак мәгьлүмат безнең телерадиокомпания һәм Русфонд сайтларында.
Ралина Абрамова, Дамир Мөхәммәтханов.
