ТАССРның 100 еллыгына ТР Милли музеенды Татарстан тарихына багышланган стационар экспозиция әзерләнә. Әлеге минутларда безнең хәбәрчебез Гадел Әхмәтҗанов Милли музейда экспозиянең үзенчәлекләре белән таныша. Гадел, сүз сиңа. Бүген эшләр нинди стадиядә? Ачылышны кайчан көтәргә?
Хәерле иртә, Чулпан! Хәерле иртә, хөрмәтле телевизор караучылар! Чыннан да, бүгенге көндә ТР Милли музеенда экспозициягә әзерлек тулы куәттә бара. Биредә экспонатлар урнаштыралар. Сүз уңаеннан алар арасында Бөек Ватан сугышында Җиңүгә зур өлеш керткән ПО-2 очкычы да бар. Моннан тыш, күргәзмәдә республикабызда гомер кичерүче барлык милләтләргә багышланган экспонатлар да бар.
Стационар күргәзмәдә Татарстанда яшәүче халыкларның үткәне, көнкүреше һәм бүгенгесе чагылыш таба. Экспозицияне әзерләүдә 100дән артык кеше катнаша. Алар арасында фәнни хезмәткәрләр, рәссамнәр, реставраторлар һәм башка белгечләр бар.
Чарада татар халкының мәдәниятен, телен, кыскасы, рухи дөньясын үстерүдә бәяләп бетергесез өлеш керткән Габдулла Тукай, Муса Җәлил, Фатыйх Кәрим кебек шәхесләр турында мәгълүмат урын алачак. Музей хезмәткәрләре үткәннәр белән генә чикләнми. Экспозициядә республикабызның хәхерге заман зыялы шәхесләре турында да сөйләячәкләр.
Балалар һәм яшүсмерләр өчен төрле осталык дәресләре үткәрәчәкләр.
Әйтергә кирәк, эпидемиологик вәзгыятькә бәйле рәвештә экспозицядә барлык саклык чараларын күрәчәкләр.
Үзенчәлекле экспозициянең ачылу датасы итеп, 30нчы август шәһәр һәм республика көне билгеләнгән.
Гадел Әхмәтҗанов, Ирек Хәмидуллин.
