Җәй көнендә ветеринария хезмәткәрләренең эше икеләтә арта. Мал-туардан тыш, киек җәнлекләргә дә ярдәмгә килә алар. Канатын сындырган карчыга да, оясыннан егылып төшкән карга баласы да аларның шифалы куллары ярдәмендә кабат үз ояларына кайткан. Шушы көннәрдә генә аларга ятим калган керпе балаларын китерәләр. Табиблар бар көчләрен һәм күңел җылысын бер атналык җан ияләренә бирәләр.
Британия пародалы мәче Зөфәр Камалетдиновлар гаиләсендә күптәннән яши. Сәламәтлеген дамим рәвештә кайгыртып таралар. Бу юлы ветеринарлар янына мәченең начар ашавыннан зарланып килгәннәр.
Зөфәр Камалетдинов:” Ашауны киметте, ябыкты. Үзе сорап ашый иде, хәзер бөтенләйгә ашамый. Ни сәбәпле шулай икәнлеген белмибез”
Мал табиблары янына мондый мөрәҗәгать белән килүчеләр җәй айларында аеруча күп. Кемдер караучысыз калган диңгез күсесен алып килсә, икенче берәүләр канаты сынган киек кош белән мөрәҗәгать итә. Әле менә күптән түгел генә әнисен машина таптатып ятим калган керпе балаларын китергәннәр. Бер атналык керпеләр хәзер үзләрен яхшы хис итәләр ди Алена…
Керпе баласына бары тик кәҗә сөте генә ашаталар икән.Әлегә бөҗәкләр бирергә иртәрәк. Тешләре дә яңа гына чыга башлаган. Җылыны яраталар икән.
Мал табибы Алинә Мусина:”Тиздән аза-азлап яңгыр суалчаннары бирә башларбыз инде.Май коңгызлары, әкәм-төкәмнәрне әле ашатканыбыз юк,чөнки тешләре дә яңа гына чыга башлады.Алар көндәлек тормышта шулар белән туклана”
Керпе баласыннан тыш, биредә диңгез күсесе белән кролик та яши.Бер-берсеннән башка яши алмаучы әлге җәнлекләрне хезмәткәрләр бик яратып карыйлар.
Лилия Агиева:”Алар өчен махсус ризыклар бар. Бөртекле азыклар бирәбез. Шулай ук хәзер менә яшел үләннәр. Алар һәрвакыт карап торырга кирәк. Тырнакларын кисәргә, юындырырга, авыруларга каршы привкалар ясарга”
Ранис Әхмәтшин,Сирин Хәсәнов.
