Бөек Җиңүнең 75 еллыгына Татарстан Республикасының Архив эше буенча Дәүләт комитеты һәм «Татарстан Республикасы Дәүләт архивы» «Татарстан: барысы да фронт өчен, барысы да җиңү өчен!» китабын чыгарды. Анда республика халкының Бөек Җиңүгә керткән зур өлеше турында сөйләүче бай тарихи материал тупланган. 20 данә китап район мәктәпләренә, китапханәләргә һәм Бөек Ватан сугышы ветераннарына тапшырылды. Архив материалларына таянып нәшер ителгән китап тапшыру мизгелләре киләсе язмада.
Буа районыннан Бөек Ватан сугышына 10 меңннән артык кеше китә. Шуның 3 меңе туган ягына кайтса,7 меңе сугыш кырларында ятып кала.Ә инде Бөек Җиңүнең 75 еллыгын бары тик 22 сугыш, 548 тыл ветераны һәм 196 тол каршы алды.
Буа районы Башкарма комитетның социаль мәсьәләләр буенча урынбасары Лилия Садретдинова:”Без үзебезнең тарихны белергә, онтымаска тиешбез. Сугыш ветераннары, шул чор геройлары белән горурланырга тиеш.Чөнки аларның саны бик аз калды”
Бөек Җиңүнең 75 еллыгына Республикада «Татарстан: барысы да фронт өчен, барысы да җиңү өчен!» китабын чыгарды. Анда республика халкының Бөек Җиңүгә керткән зур өлеше турында сөйләүче бай тарихи материал тупланган. Архив документлары, плакатлар, афишалар, фоторәсемнәр, кинохроника кадрлары, фронтовикларның хатлары, сугыш чоры открыткалары белән тулы визуаль рәт тәкъдим ителгән китапны район мәктәпләренә,китапханәләргә тапшырылды.
Хәтер китабына районыбызның 3 ветеранының сугыш еллары һәм армый-талмый хезмәт еллары турындагы шәхси истәлекләре кертелгән.
Район ветераннар Советы рәисе.Җәүһәрия Хөснулина:”3 Бөек Ватан сугышы ветеранына бүләк итәчәкбез. Аларның батырлыклары шушы китапта күрсәтелгән.Без алар белән горурланабыз һәм ветераннарга озын гомер, шатлык блән яшәргә язсын дибез”
Китап киң катлам укучыларга, шул исәптән сугыш ветераннарына һәм тыл хезмәтчәннәренә адреслана. Әмма барыннан да элек ул сугыш турында бары тик мәктәп дәресләреннән, гаилә тарихларыннан, тарихи китаплардан һәм кинофильмнардан гына белгән яшь буын вәкилләренә юнәлдерелгән.
ТР Дәүләт арихвы директоры Илдар Шәфиков:” Иң төп максатыбыз: китаплар мәктәп укучыларына, укытучыларга барып җитү. Чөнки бүгенге буын балалары сугыш күрмәгән. Шуңа күрә алар аны китап аша танып белсеннәр.Сугыш афәтәләрен күрергә язмасын иде”
Ранис Әхмәтшин, Гакыйл Камалетдинов.
