«Ярдәм янәшә» республика хәйрия акциясе кысаларында азык-төлек җыелмалары китерүнең 4 дулкыны старт алды. Әлеге масштаблы хәйрия акциясе республика халкына һәрьяклап ярдәм итү өчен булдырылган. Моңа кадәр республикада яшәүчеләр 157 меңнән артык азык-төлек комплектын алган иде инде. Тулырак алдагы язмада.
Җыелмалар коронавирус аркасында авыр хәлдә калган 55 мең кешегә тапшырылган. Шушы көннәрдә азык-төлек җыелмаларының дүртенче, соңгы партиясен китерү башланды. Кирәкле продуктлар татарстанлыларга 5 июльгә кадәр китереләчәк. Шул рәвешле, азык-төлек пакетларының тулаем күләме 220 мең данәдән артып китте. Исегезгә төшерәбез, республика хәйрия акциясе Татарстанда президент Рөстәм Миңнеханов инициативасы буенча башланды. Азык-төлек җыелмаларын алучылар исемлеге Татарстан Республикасы Хезмәт, мәшъгулъллек һәм социаль яклау министрлыгы тарафыннан билгеләнгән. Әлеге пакетларны керемнәре яшәү минимумыннан түбәнрәк, 8 яшьтән олырак балалары булган гаиләләр, шулай ук ялгыз яшәүче 65 яшьтән өлкәнрәк, керемнәре яшәү минимумыннан түбәнрәк гаиләләр алды. Моннан тыш, азык-төлек җыелмасы аз керемле гаиләдә тәрбияләнүче балаларга, опека һәм попечительлек вазифаларын бушлай башкаручы гаиләләргә тапшырылды.
Мөршидә Җиһан.
