Шушы көннәрдә Болгар ислам академиясендә «Ислам фәннәре» юнәлеше буенча магистрлык диссертацияләрен яклау төгәлләнде. 23 магистрантның фәнни эшләренә академиянең фәнни-педагогик хезмәткәрләре бәя бирде.
Иртәгә Болгар ислам академиясе тарихында беренче тапкыр Ислам фәннәре магистрлары чыгарылышы була.. Магистрларга дипломнарны академия ректоры Данияр Абдрахманов һәм Илфар хәзрәт Хәсәнов тапшырачак .Шулай ук Тантаналы чарада академияне гамәлгә куючылар шурасы әгъзалары, Россия Федерациясе Президенты Администрациясе һәм Татарстан Республикасы Президенты Аппараты вәкилләре катнашыр дип көтелә. Шулай ук Ислам фәне, мәдәнияте һәм мәгарифенә ярдәм итү фонды директоры А.В. Ждановның видео мөрәҗәгате планлаштырылган. Чараның тантаналы өлеше тәмамлангач, Ак мәчеттә җомга намазы булачак.
Исегезгә төшереп узабыз. Татарстан Президенты 2015 елның ноябрендә Болгар ислам академиясен төзү турындагы указга кул куйган иде. Ул 2017 елның 4 сентябреннән эшли башлады.
