1 июльдән балалы гаиләләргә түләүләрнең икенче дулкыны башлана. Россиялеләр 16 яшькә кадәрге һәр балага 10 мең сум акча алачак. Әлеге пособиене нәрсәгә тотарга җыеналар? Түбән Камадан хәбәрчебез репортажы.
Кузнецовлар фатирында ремонт бара. Аны балалар бүлмәсеннән башлаганнар. Гаиләдә биш бала тәрбияләнә. Иң зурысына-13 яшь, ә кечкенәсе яшь ярымлык кына әле. Әтиләре пандемия вакытында барысының да җиңел булмавын әйтә.
Дәүләт пособиесе гаиләгә күптән көтелгән ремонтны башларга мөмкинлек биргән.
Анастасия Кузнецова: «. Акрынлап башладык. Безнең гаиләгә бу сизелерльки ярдәм булды, вак-төякләрдәно башлап, памперслар, ярмалар , башка ашамлыклар да бирәләр.»
Тиздән Кузнецовлар, миллионлаган россиялеләр кебек үк, өстәмә ярдәм ала алачак. 1 июльдән 16 яшькә кадәрге балалары булган гаиләдәге һәр балага тагын 10 мең сумма акча бүлеп бирелә. Гаиләдә бу акчаны нәрсә өчен тоту турында уйлый башлаганнар инде.
Анастасия Кузнецова: » без всяких слов, бар да әйбәт булса, балалар белән каядыр ял итәргә дә теләр идек.»
Июнь аенда түләүләр алган кешеләргә өстәмә гаризалар язарга кирәкми. Түләүләр автомат рәвештә исәпләнәчәк.
Мурат Метшин, Евгений Лызаев.
