Татарстанда коронавируска каршы тәнчекләргә экспресс-тестлар чыгара башладылар. Көзгә беренче төргәкләр даруханә челтәренә сатуга чыгарыла башлаячак. Лаборатория эшчәнлеге белән хәбәрчебез дә танышып кайтты. Тест составында алтынга кадәр бар. Нәкъ менә ул коронавируска каршы тәнчекләрне күрсәтә. Кыйммәтле металл һәм коронавирус аксымын эретеп ябыштырып, махсус тасмага салалар.
Барысын да кулдан эшлиләр. Әлегә тест тасмаларын чыгару өчен линия -өч җайланма: күпләргә таныш кискеч, махсус принтер һәм ламинатордан гына тора. Йөклелеккә тест уздырган кебек, нәтиҗә әзер була. Ике тасма көтелмәгән авырудан саклаучы каршы тәнчекләрне ачыклый. Шушы этапта гадәти тасма куркыныч вируска каршы тәнчекләрнең, ә икенчесе иммунитетның булмавын күрсәтә. Тикшерү өчен кан алалар.
Казан федераль университетының медицина фәнни-клиник үзәге фәнни хезмәткәре Рафил Хәйруллин: «97-98 проценты-үзенчәлекле. Анализда коронавирустан тыш, башка вирусларга да реакция булуын онытмаска кирәк. Ялган, әмма уңай реакция булырга мөмкин.»
Әлегә тасмаларны кечкенә лабораториядә җитештерәләр, әлегә чит кешеләргә сынап карау мөмкинлеге бирелмәгән. Ике атна дәвамында экспресс-тестларны теркиләр, ә көзгә әзер продукцияне даруханәләргә сатуга чыгарырга әзерлиләр.
Казан федераль университетының медицина фәнни-клиник үзәге директоры Альберт Ризванов: «Әлегә без зур булмаган күләмдә сынау җитештерүен булдырабыз, заказ биргән корпоратив клиентларга, Университет клиникасы ихтыяҗларына йөз тотабыз. Проект бизнес күзлегеннәнчыгып, эшли башласа, автоматлаштыру һәм җиһазлар сатып алу турында уйлаячакбыз.»
Тест-тасмалар җитештерү-зур эшнең финал өлеше. Ул биредә лабораториядә башлана. Коронвирусның ДНК молекулалары алына. Дүрт көн аларга синтез ясала, соңыннан вируска каршы тәнчекләр тулысынча куркынычсыз һәм куллануга әзер булгач, сәнәгать масштабында эшләп чыгарачаклар.
Диана Василова. Илдар Галәветдинов.
