Кече һәм урта эшмәкәрлек субъектларына федераль бюджеттан субсидия алу өчен гариза бирү вакыты 1 июльгә кадәр озайтылды. Бу хакта Татарстан Республикасы буенча Федераль салым хезмәте идарәсе хәбәр итә.
Россия Хөкүмәтенең 20 июнь карары нигезендә, 2020 елда Россия икътисады тармакларында эшчәнлек алып бара торган кече һәм урта эшмәкәрлек субъектларына федераль бюджеттан субсидияләр бирү кагыйдәләренә үзгәрешләр кертелде. Яңа үзгәрешләр нигезендә, апрель ае өчен гариза бирергә өлгермәгән салым түләүчеләрнең субсидия алу хокукын куллану мөмкинлеге барлыкка килде.
Субсидия алу өчен гариза язарга кирәк. Шуңа күрә субсидия алучы быелның апрель һәм май айлары өчен теркәлү урыны буенча 1 июльдән дә соңга калмыйча гариза язарга тиеш. Аны Россия Федераль салым хезмәте сайтының махсус бүлеге аша язарга була. Моның өчен юридик затның («Гаризалар тапшыру» бүлеге) яки шәхси эшмәкәрнең («Сервислар» бүлеге) шәхси кабинетына керергә кирәк. Бюджеттан субсидияне мондый шартларга җавап биргән юридик затлар һәм шәхси эшмәкәрләр алырга хокуклы.
2020 елның 1 мартына субсидия алучы кече һәм урта эшкуарлык субъектларының Бердәм реестрына кертелгән булырга тиеш. Субсидия алучының эшчәнлекнең яңа коронавирус таралу шартларында, Россия икътисадының аеруча зыян күргән тармакларына керүе. Субсидия алучы оешма юкка чыгарылу процессында булмаска тиеш. Субсидия алучыга карата бөлгенлеккә чыгу процедурасы кертелмәгән очракта. Субсидия алучының быелныж 1 мартына салымнар һәм иминият взнослары буенча гомуми суммасы 3 мен сумнан артып киткән әҗәте булмаска, йә салым түләүче бурычны гариза бирү датасына кадәр түләгән булырга тиеш. Тулырак мәглүмат Федераль салым хезмәте сайтында.
