Коронавируска каршы торуда ак халатлы табиблар керткән өлеш бәяләп бетергесез. Шул ук вакытта планлы операцияләр дә туктатылмый, Бүген без меңләгән авыруны терелтеп, аякка бастырган табиб-травматолог турында сөйләргә булдык.
Валентина Шарова әле ярты ел элек кенә операция ясатырга уйламаган да. Хәтта хастаханәдән качып та киткән, аякларында түзеп булмаслык авырту табибка килергә мәҗбүр иткән.
Операция ясатканчы, Валентина фатирда көч-хәл белән йөри, өй эшләрен дә утырып кына диярлек эшли. Ә урамга чыгып йөрү турында бөтенләй оныта. Хәзер барысы да артта калган, күбрәк җәяү йөрергә тырыша, күп вакытын дачада үткәрә.
Евгений Гуляевның да буыннары авыркан. Төннәрен сызланып уздырган. Операция ясаганнан соң гына нормаль тормышка әйләнеп кайткан. Хәзер аңа 64 яшь, эшләвен дәвам итә, табибларга рәхмәте зур.
Пациентларның ышанычлы адымы — Сергей Кривошапконың тырышлыгы нәтиҗәсе. 36 ел эчендә ул 20 меңгә якын операция ясаган. Башта инженер булырга теләгән, шулай да табиб булу теләге җиңгән. Аның ике буын туганнары да табиблар..
Менә бүген дә Сергей Кривошапко чираттагы операцияне ясый.
16нчы номерлы хастаханәнең баш табиб урынбасары Сергей Кривошапко: «Операция яалгач, барысы да тәмамланды дип әйтә алмыйм. Пациент тернәкләнеп, тулы канлы тормышка әйләнеп кайтканчы күзәтүдә торачак. Алар белән элемтәдә торам.»
Бүгенге көндә ак халатлы фәрештәләргә нинди генә рәхмәт сүзләре әйтсәк тә, аз булыр кебек. Алар бик киеренке эшлиләр. Коронавируска каршы көрәштә дә, планлы операцияләр ясаганда да, бар тырышлыкларын куялар. Авыр эшләрендә уңышлар юлдаш булсын.
Алмаз Хәкимов, Сергей Павлухин.
