Буа районында терлек азыгы әзерләү техникасы паркына һәм азык саклау урыннарына елдагыча тикшерү уздырылды. Белгечләр «Коммуна», «Аваангард», «Дружба» агрофирмаларында булды. Быел районда 1200 баш терлеккә исәпләнгән яңа савым сыерлары комплексы һәм сенаж базы да төзелә. Аграрийларның тиз арада нинди кимчелекләрне бетерәсе бар? Терлек азыгын әзерләүгә кайчан керешәчәкләр? Тулырак киләсе материалда.
30елга якын механизатор стажы булган Алексей Никитин узган ел яңа комбайнга утыра. Быелгы терлек азыгы җыда катнашу өчен аның комбайны әзер.
Кырга чыкканчы мондый техникаларны кабат инә күзеннән кичерделәр. Районында терлек азыгы җыю техникасы паркына һәм 2020 елгы азык саклау урыннарына елдагыча тикшерү комиссиясе техниканы кабызган килеш аның һәр агрегатының ничек эшләвен тыңлады һәм эшкә әзерлек дәрәҗәсен билгеләде. Тикшерү барышында хуҗалыкларда ремонт бригадаларының булуы, шулай ук хезмәтне саклау һәм хезмәт өчен түләү шартлары исәпкә алынуы уңай бәяләнде.
Алексей Архивеев ТР Авыл хуҗалыгы һәм азык төлек министрлыгының хезмәтне саклау бүлеге җитәкчесе:“Бүлекчәләрнең азык җыю техникалары хәзерлеге бик югары. Матди база бик нык икәнлеге күренеп тора. Хезмәткәрләр барысы да махсус киемннән, хезмәтне саклау буенча укулар узганнар. Гомумән, мин барысыннан да канәгать”
Комиссия әгъзалары сенаж базаларының һәм ындыр табакларының торышына аерым игътибар бирде. Биредә быел 5 мең куб тонна сыйдырышлы өр-яңа ачык типтагы силос базы ясыйлар. 4метр биеклектә 60 м озынлыкта булган әлеге базлар әлегә районда бердәнбер.
Хәзер һава торышлары утырып бара. Эшләү күпкә җайлырак булачак. Июнь ахыры,июль башларына без эшне төгәлләргә уйлыйбыз.Чөнки тиздән яшел массаны силоска ура башлыячаклар.
Быел район буенча 14 мең гектарда күпьеллык, 5 мең гектарда берьеллык үләннәр игелгән. Яшел массаның торышы әйбәт.
Районда бүген һәр сыерга 14,5л сөт савып алалар. Әмма бу күрсәткеч республикада мактанырлык түгел. Шуңа күрә быелдан 1200башка исәпләнгән яңа комплекс төзелә. Агымдагы елның август аена инде 800 баш терлекне кертергә исәпләре.
Бүген терлекчелек комплексларындагы маллар җәйге лагерьга күчерелгән. Иртән яшел масса белән катнаш азык тараталар. Тагы бер-ике атнадан печән хәзерләргә чыгарга исәпләре.
Ранис Әхмәтшин,Сирин Хәсәнов.
