Татарстан Президенты Рөстәм Миңнеханов Түбән Кама районында булды. Президентка «Безнең ишегалды» программасының ничек гамәлгә ашырылуы, «Кама» лагереның әзерлеге турында сөйләделәр. Ул «Артек» үзәге белән хезмәттәшлек итәчәк.
Алты полосалы юлны Түбән Каманың төп урамнары берләштерәчәк. «Куркынычсыз һәм сыйфатлы автомобиль юллары» илкүләм проекты буенча зур төзелеш бара. Президент эшләрнең барышы белән танышты, объектны көзен тапшырырга тиешләр.
«Кама» лагере да үзгәрештә. Киләчәктә ул «Артек» Халыкара балалар үзәгенең алты филиалының берсе булачак. Республика белән килешү имзаланды.
«Кама» лагере республика программасы нигезендә заманчалаштырылды. Ял үзәге 168 урынга исәпләнгән. Беренче булып лагерьга COVID-19га каршы көрәшүче табибларның балалары барачак. Быел Татарстанда барлыгы 218 меңнән артык бала төрле лагерьларга юлламалар алачак.
Татарстан Республикасы Президенты Рөстәм Миңнеханов
Яңартылган Кама үзәген карадык, эшләр бик сыйфатлы башкарылган, биредә сәламәтлекләре белән проблемалары булган балалар ял итә алачак.
