ТАССР төзелү турындагы Декретка кул куюның 100 еллыгы уңаеннан “Республика Татарстан” газетасының бәйрәм санында Президент Рөстәм Миңнехановның мәкаләсе басылылып чыкты. Анда республиканың барлыкка килү һәм үсеш этапларына анализ ясалган. Аерым алганда, мәкаләдә: “Һичшиксез, Совет автономиясе татарларга тулы канлы үсеш алган мәдәниятле һәм үзаңы булган алдынгы милләткә әйләнү өчен бөтен шартлар тудырган», — диелә.
Мәкаләдә Бөек Ватан сугышы чоры буенча мәгълүматлар аерым урын алып тора. Автор сүзләренчә, татарстанлылар Бөек Ватан сугышы тарихына сугышчан каһарманлык һәм хезмәт батырлыгы үрнәкләрен язып калдырган.
Мәкаләнең азагында: «Һичшиксез, безнең игътибар үзәгендә һәрвакыт кешеләр булачак. Чөнки республика казанышларының нигезендә –төрле буын татарстанлыларның тырыш хезмәте ята.
Татарстан Автономияле Совет Социалистик Республикасын төзү турындагы Декретка кул куюга 100 ел тулган көндә сезнең барыгызны да туган республикабызның йөз еллык юбилее белән котлыйм һәм Татарстаныбызның чәчәк атуына үз өлешен керткән һәм әле дә бу эшен дәвам итүчеләргә рәхмәт белдерәм.
Без ата-бабаларыбызның бөек казанышлары рухы сеңгән бу җиребездә туу, яшәү һәм үз халкыбызга файдалы булуыбыз белән бәхетле. Йөз еллык тарихи юл — безнең өчен горурлык һәм иртәгәсе көнгә ышанычыбыз!” , — диелгән Татарстан Республикасы Президенты Рөстәм Миңнехановның мәкаләсендә. Әлеге язма «Республика Татарстан» газетасының бәйрәм номерында ТАССР төзелү турындагы Декретка кул куюга 100 ел тулу уңаеннан дөнья күрде .
