Бүген, 21 нче май, борынгы Идел Болгарстанының Ислам динен рәсми кабул иткән көне. Шул уңайдан, Татарстан Президенты Рөстәм Миңнеханов республика халкына мөрәҗәгать итте. Урта Идел буенда ислам тугызынчы гасырның икенче яртысында ук тарала башлый, мондагы рухи җирлектә тамыр җәя. 922 елда Алмыш илтәбәр җитәкчелегендәге болгарлар аны, Багдад хәлифе әл-Моктадир илчелегенең турыдан-туры катнашы белән, дәүләт дине буларак кабул итә. л шанлы чорлардан унбер гасырга якын вакыт узгач, Татарстан АССР төзелгәнгә 100 ел тулу бәйрәм ителә торган елда, без барыбыз да Аллаһ Тәгаләгә ихластан күңел баглап, мөселман дөньясының бөек казанышлары, олуг вакыйгаларны хәтердә яңартабыз.
Яңарыш кичергән Болгарның нәкъ үзәгендә гаҗәеп матур Ак Мәчет төзелде, мөселман дин белеме бирү өлкәсендә күренекле уку йорты буларак көннән-көн таныла барган Болгар ислам академиясе ачылды.
Һәрберебез бу бәйрәмне ихлас дога, изге эшләр белән каршы алсын!
Сезгә чын күңелдән тынычлык, муллык, бәхет телим, -диелә республика президенты мөрәҗәгатендә.
