Башкалада хәрби хезмәткә язгы чакырылыш дәвам итә. Чакырылыш комиссиясе утырышы коронавирус инфекциясе пандемиясенә бәйле рәвештә барлык санитар-эпидемиологик кагыйдәләр буенча уза.
Хәрби хезмәткә чакырылучыларның беренче төркеме инде 20-нче майда китәчәк. Хәрби частьләргә килгәч, егетләрне 14 көнлек карантинга җибәрәләр.
Чакырылыш комиссияләренең утырышлары 15-нче июльгә кадәр дәвам итәчәк, аларга 4761 казанлы килергә тиеш, шуларның 680-е хезмәт итәргә барачак. Татарстанда барлыгы 3 мең 100 кешене хезмәткә җибәрү планаштырыла.
