«Бердәм Россия» партиясенең Татарстан бүлеге вәкилләре Республика йогышлы авырулар хастаханәсе табибларына һәм шәфкать туташларына биш меңгә якын чәй җыелмасын тапшырдылар. Бу партия әгьзаларының үз изоляция вакытындагы бердәнбер хәйрия акциясе генә түгел.
«Спасибо, доктор! – Рәхмәт, табиб!» Республика йогышлы авырулар хастаханәсенә «Бердәм Россия» партиясенең Татарстан бүлеге вәкилләре алып килгән төргәк тышларына шулай дип язылган. Аларга чәй каплары тутырылган. Хәер, кофе яратучыларны да онытмаганнар. Барлыгы биш меңгә якын җыелма әзерләгәннәр. Акция — COVID-19 белән көрәшүче табибларга, шәфкать туташларына хөрмәт һәм рәхмәт билгесе.
ТР Дәүләт Советының Социаль сәясәт комитеты рәисе, COVID-19 «Бердәм Россия» партиясенең коррупциягә каршы көрәш буенча эшче төркем җитәкчесе Светлана Захарова: «Бердәм Россия партиясе эпидемиология вәзгыяте начараюга бәйле рәвештә, булачак сайлауларда идарә итү аппаратына каралган чыганакларның бер өлешен инфекция таралуга каршы көрәшүчеләргә тапшырырга дигән карар кабул итте.»
Республика клиник йогышлы авырулар хастаханәсенең баш табибы урынбасары Рөстәм Фәхертдинов:»без хәзер провизор госпитале буларак эшлибез. Бездә дә көн саен коронавирус инфекциясе очраклары ачыклана. Һәм расланган очраклар соңыннан башка медицина оешмаларына, шул исәптән 7 шәһәр, республика клиник хастаханәләренә, сугыш ветераннары госпиталенә җибәрелә. Бүгенге көндә медицина хезмәткәрләре югары йөкләнеш белән, бик борчылып, киеренке эшлиләр. Бердәм Россия тарафыннан мондый ярдәм медикларга психологик яктан да ярдәм итә.»
“Спасибо, доктор!” хәйрия акциясе»АК Барс-Созидание җәмгыяте белән берлектә уза. Ул коронавирус инфекциясеннән зыян күргән медицина хезмәткәрләре өчен акча җыюга юнәлдерелгән. Моннан тыш, «Бердәм Россия» берничә автомобильне поликлиникаларга ярдәм итү өчен тапшырган. Ә партия волонтерлары көн саен мохтаҗларга азык-төлек һәм дарулар китерә.
Инна Данилова, Илдар Галәветдинов.
