Башкалабызның Чистай урамы 81 нче йорт адресы буенча урнашкан торак милекчеләре ширкәте рәисе көн саен подъездларны, ишегалдын хлор эретмәсе белән үзе эшкәртә, өстәвенә өлкәннәргә азык-төлек алып кайтып таратырга да өлгерә. Кайгыртучан ширкәт җитәкчесенә рәхмәтләрен җиткерүебезне үтенеп, безгә шушы йортта яшәүче өлкәннәр мөрәҗәгать итте.
Ширкәт рәисе Ксения Муллагалиева хлор эретмәсе белән ишек тоткаларын, почта тартмаларын, балалар таганнарын эшкәртә. Пандемия башланганнан бирле, тынгысыз хатын инфекция таралу куркынычы булмасын өчен, кулдан килгәннең барысын да эшли. Йортта яшәүчеләр өлгер җитәкчегә моның өчен зур рәхмәтләрен җиткерә.
Виктория Чищевая Чистай урамы, 81 йортта яшәүче: «аның белән мин үземне тулысынча куркынычсыз хис итәм. Балалар иминлеге өчен дә тынычбыз. Ул балаларга да үз әниләре кебек якын.
Йортны дезинфекцияләүдән тыш, Ксения өлкәннәргә дә ярдәм итә. Дарулар һәм азык-төлек алып кайтып өләшә. Үзенә хөрмәт арта.
Чистай урамы, 81 йортта яшәүче Виктория Чищевая: «без бер-беребез өчен атлыгып торабыз. Дус яшибез, бер-беребезне яратабыз, хөрмәт итәбез.»
Чистай урамы, 81 йортта яшәүче Ольга Тимергалиева: » Зур шәһәрдә шундый кечкенә генә шәһәрчек барлыкка килгән кебек.»
Йортта яшәүчеләрне пандемия генә берләштерми. 6 ел эшләү дәверендә Ксения йортны танымаслык булып үзгәрткән. Балалар мәйданчыгы, чәчәкләр аллеясе, эскәмияләр барлыкка килгән. Ишегалдын бергәләп бизиләр, бәйрәмнәрне дә җыелышып үткәрәләр. Ксения үзе Казанга Ерак Төньяктан күченгән.
Чистай урамы, 81 йорт торак милекчеләре ширкәте рәисе Ксения Муллагалиева:»Төньякта кар гына. Агач та, берни дә үсми Ел әйләнәсенә кыш. Климат бөтенләй башкача булган урынга күчкәч, матуррак, уңайлырак итәргә телисең. Үзем дә шунда яшим, яхшырак булсан өчен тырышам.»
Йортта яшәүчеләр биредә бар көчен биреп, шундый искиткеч тырыш кеше эшләвен барысы да белергә тиеш дип саныйлар. Ә Ксения үзе журналистлар белән сөйләшүгә, кабат эшкә чумды. Йорт һәрвакыт чиста, сәламәтлеккә куркынычсыз булырга тиеш.
Мурат Метшин, Дамир Мөхәммәтханов.
