Коронавирус таралу куркынычына бәйле рәвештә, бу көннәрдә эре предприятиеләр медицина хезмәткәрләренә ярдәм итә. Казанның күмәч-кондитер комбинаты атна саен табибларга үзләре җитештергән продукцияне тапшыра. Коронавирус пандемиясе шартларында предприятиенең ничек эшләве турында киләсе сюжетта.
Көн саен Казанда яшәүчеләрнең табын түреннән яңа пешеп чыккан кайнар икмәк өзелеп тормый. Күмәч-кондитер комбинаты шәһәрдәге иң эре предприятиеләренең берсе. Коронавирус пандемиясе шартларында ипи салу туктап тормады. Барлык хезмәткәрләр дә көчәйтелгән санитар контроль уза, смена башланыр алдыннан температураны үлчиләр һәм авыру билгеләренә тест үткәрелә. Барлык цехларда да битлек һәм перчаткалар киеп эшлиләр.
Казан күмәч-кондитер комбинаты генераль директоры, алдан тавыш бирүдә катнашучы Булат Котдусов: «без тәүлек әйләнәсенә эшлибез, шәһәрне икмәк белән тәэмин итү өчен кулдан килгәннең барысы да эшләнә. Санитар эшкәртү буенча көчәйтелгән чаралар күрелә, Хезмәткәрләрнең көн саен температурансын үлчиләр, табиблар кизү тора. Бәяләрне дә ел ахырына кадәр агымдагы дәрәҗәдә саклап калдык.
Пандемия вакытында табибларның эше бермә-бер артты, нәкъ менә аларның күбесе вакытлыча йогышлы госпитальләрдә эшли. Предприятие медицина хезмәткәрләренә ярдәм итәргә булган. Атна саен тортлар һәм пирожныйлар пешереп бирәләр. Кондитер ашамлыкларын сыйфатлы итеп әзерлиләр.
Казан күмәч-кондитер комбинаты генераль директоры, алдан тавыш бирүдә катнашучы Булат Котдусов: «без табибларга зур хөрмәт белән карыйбыз, илебез халкының сәламәтлеге һәм киләчәге алардан да тора. Кайбер табибларның хәтта өйләренә кайтырга да вакытлары юк, без аларны тәмле ашамлыклар белән сыйларга ниятләдек.»
Яңа әзерләнгән тортлар Казанның 7нче Шәһәр хастаханәсе табибларына тапшырылды. Медицина учреждениесе базасында вакытлы йогышлы госпитальләрнең берсе җәелдерелгән. Биредә табиблар пациентларның гомерен саклап калу өчен көрәшә, үзләренең һәм башкаларның да сәламәтлеген саклау өчен, берничә атна инде хастаханәдә яшәп эшлиләр.
Анастасия Аксенова, Владимир Юрков.
